Покани и известувања

Демант на АДСДП за изнесени невистини во порталот Лидер

Акционерското друштво за изградба и стопанисување со станбен простор од значење за Републиката ги отфрла како невистинити , а пред се како тенденциозни насловот и наводите во текстот „Афера Орфеj: Синот на Фрчкоски сторил кривично дело- оштетен е буџетот.

АДИССДП посочува дека помошник директорот на правниот сектор не го стопирал извршното барање кон правниот субјект, ниту пак можел, односно не станува збор збор за оштетување на буџетот на Друштвото. Во ситуацијата не станува збор за укинување на извршното барање, туку напротив- извршното побарување за вкупниот долг останува во целост . Дополнително се дополнува со нови побарувања за периодот во кој субјектот одбива да склучи нов договор и спогодба кој е услов за повлекување на извршната клаузула согласно донесената одлука на Одборот на директори. Во подолг временски период правен е обид од стручните служби да се воспостави контакт со правниот субјект да ја потпише спогодбата и новиот договор со нова повисока проценка , но тој контакт се уште се избегнува и покрај големиот број известувања( видно од писмена коресподенција) . На субјектот му е даден рок доброволно да да го испразни просторот од лица и ствари, бидејќи во спротивно ќе биде исселен од страна на извршителот.

Оттука, не може да стане збор за какво било оштетување на буџетот на АДСДП, или пак за евентуална тенденција во таа насока.Во овој момент сите побарувања кон овој субјект се предадени на извршување .За појаснување потребно е да се посочи дека сметката на истиот субјект е блокирана од страна на извршителот за што сме известени од страна на истиот.

Сметаме дека ваквите текстови со кои отворено негативно се етикетираат одредени личности и се извитиперуваат фактите со селетиран приказ на документите, без притоа да се побара одговор од нашите стручни служби имаат единствена цел да се предизвика штета на честа, угледот и интегритетот како на помошник директорот, така и на целото друштво. Во иднина АДСДП на ваквите написи ќе одговори со соодветни правни механизми .

Во интерес на јавноста и на вистината, Ве повикуваме да дојдете во нашите простории каде ќе одговориме на сите прашања и ќе ви овозможиме увид во целосната документација во однос на предметот.

Известување за Оглас бр. 09/2019-СК

АДСДП ги известува клиентите дека во тековниот Оглас бр.09/2019 за продажба на комерцијален станбен простор и гаражни места по пат на усно позитивно јавно наддавање што беше објавен на 30.08.2019 година, поради настанати технички грешки во делот од објавата која се однесува  на Оглас бр. 09/2019-СК, истиот се одлага до исправување на истите. Истиот оглас ќе биде дополнително објавен на нашата интернет страница и тоа  согласно важечките услови за начин и постапка на продажба.

Почна изградбата на првата социјална зграда во Неготино

 

Во Неготино почна изградба на социјална зграда во која ќе можат да се вселат 62 семејства од социјално ранливите категории. Според Генералниот директор на АД за изградба и стопанисување со станбен и деловен простор од значење за Републиката Кристијан Трајковски, рокот за изградба е 18 месеци . „Можно е оваа зграда да биде завршена и пред утврдениот термин и сите оние лица кои имаат проблем во делот на станбеното прашање , а ги исполнуваат критериумите порано да добијат кров над глава’’, изјави Трајковски.Според него, следува интензивен период во делот на изградба на објекти од ваков тип.Во текот на август ќе почне изградба на згради за социјално ранливи категории граѓани во Виница, Свети Николе и скопската општина Бутел, а од ноември уште пет вакви објекти во Дебар, Велес, Гевгелија итн.

Министерот за транспорт и врски Горан Сугарески посочи дека Владата е силно фокусирана на реализирањето на целите кои треба да обезбедат решавање на станбеното прашање на социјално ранливите категории.„ Во наредниот период колку што можеме ќе обезбедиме покрив над глава на семејства од различни општини. Покрај тоа што заедно со јавните претпријатија го работиме во делот на патната, железничкат и комуналната инфраструктура, особено ни е важна и изградбата на социјални станови’’, рече Сугарески

Градоначачникот на Неготино нагласи дека во Неготино прв пат се гради социјална зграда.

Прва социјална зграда во Пробиштип- најавена изградба уште 9 вакви објекти во државата

 

Во Пробиштип почна изградбата на социјална зграда во која ќе можат да се вселат 48 семејства од социјално ранливите категории. Според Генералниот директор на АД за изградба и стопанисување со станбен и деловен простор од значење за Републиката Кристијан Трајковски,   очекувањата се дека објектот ќе биде готов за 18 месеци, а следнава година сите станови ќе бидат распределени. До крајот на годината планирано е отпочнување на изградба на уште 9 вакви објекти. „Очекувам наредната недела и во Неготино да ставиме камен темелник, потоа доаѓа зградата во Бутел која има 312 станови и плановите се и таа до крајот на месецов да почнеме да ја градиме. Заедно со министерот Сугарески работиме на изградба на 10 социјални згради и очекуваме роковите во договорите во целост да бидат испочитувани’’- изјави Трајковски.

Според министерот за транспорт и врски Сугарески, целта на политиките на оваа Влада е во делот на социјалата да се обезбеди покрив над глава на најсиромашните семејства. „ Сакам да потенцирам дека овие денови ги потпишав решенијата за определување на социјалните станови во Кочани. Оние што аплицираа претходно деновиве ќе ги добијат решенијата’’ рече Сугарески.

Новите згради за социјално ранливите категории граѓани ќе чинат 15 милиони евра, од кои зградата во Бутел ќе чини 7,5 милиони евра, а останатите чинат по околу еден милион евра.Генералниот директор на АДСДП најави дека за овие згради ќе има нов систем на распределување на становите кој треба да да биде усогласен од страна на Министерството за транспорт и врски и Министерството за труд и социјална политиа.

Според Трајковски, тоа ќе биде транспарентна постапка, за секој социјален случај согласно бодовите што ги стваруваат во делот на нивните примања, број на членови на семејство и истите ќе ги добиваат по електронски систем кој ќе биде реален.

Околу прашањето дали ќе се реши и проблемот со постојните социјални згради во земјава во кои има празни станови бидејќи корисниците заминале во странство, Трајковски одговори дека во тек е теренска проверка, а на оние што ги прекршиле условите ќе им бидат раскинати договорите и становите ќе бидат доделени на лица на кои што им се потребни.

Градоначалникот на Пробиштип Драган Анастасов посочи дека со оваа зграда ќе се реши станбеното прашање на примателите на социјална помош, на лицата со инвалидитет, лицата со посебни потреби како и на самохраните родители.

Иградбата на социјалните згради се реализира според проектот Ф/П1674

АДСДП продолжува со градежната активност

АДСДП доби одобрение за градба на станбен објект на ул. Гаврил Костантиновиќ бб – Реонски Центар Аеродром. Одобрението бр. 1 20 – 144 од 8.05. 2019 кое е правосилно на ден 24.05. 2109  издадено е од Општина Аеродром и е согласно важечките прописи на постоечкиот Детален урбанистички план ( донесен јуни 2009 год. со тех. Бр. 1474/06) . Овој објект ќе биде дел од низата околни објекти кои се претходно изградени од наша страна, а согласно сите законски прописи кои произлегуваат од Законот за градење.

Зградата ќе има 55 стана со површини од 37 м2 до 120 м2.Покрај сите заинтересирани граѓани, за становите можат да аплицираат и млади брачни парови и тоа преку проектот купи куќа- купи стан.